Samvinnufélag útgerðarmanna Neskaupstað auglýsir eftir umsóknum í styrki úr Menningar- og styrktarsjóði félagsins.

 Markmið sjóðsins er að styrkja hin ýmsu málefni innan fjallahrings Norðfjarðar sem hér segir.

 Fjármunum sjóðsins skal skipt milli eftirfarandi verkefnaflokka:

a)    Til einstaklinga, félaga eða hópa sem vinna að mikilvægum menningarmálum á Norðfirði. Um getur verið að ræða málefni
á sviðum félagsmála, minjavörslu, lista og hverra þeirra málefna sem flokkast geta sem menningarmál í hefðbundnum skilningi þess orðs.

b)  Til viðurkenninga og styrkja til ungra afreksmanna á sviði mennta, lista, íþrótta eða til viðurkenninga fyrir sérstök afrek t.d. á sviði björgunarmála.

c)     Til sérstakra verkefna á sviði menningarmála.

d)    Til styrkja vegna íþrótta. Almenn markmið með styrkveitingum til íþróttamála eru að öll börn og unglingar eigi kost á
einhverskonar íþróttaiðkun nálægt heimili sínu eða skóla.  Að íþróttamenn eða lið sem skara fram úr geti
stundað markvissar æfingar og sótt mót við sitt hæfi. Að stuðla að heilbrigðum lífsstíl almennings (hreyfing og mataræði). Að byggja upp aðstöðu sem er líkleg til að stuðla að ofangreindum markmiðum. 
Umsóknir verða skilgreindar samkvæmt þremur flokkum en þeir eru: Afreksíþróttir, sérstök verkefni og stuðningur við félög sem gefa börnum og unglingum kost á íþróttaiðkun.

Umsóknarfrestur er til og með 3. maí 2024. Einungis er hægt að sækja um með rafrænum hætti með því að smella á umsóknareyðublað hér að neðan. Fyllið út umsókn, vistið og sendið svo á netfangið: gudmundur@sunbudin.is

Einungis verður um eina úthlutun að ræða í ár – Hugsum fram í tímann!

Farið verður með allar umsóknir sem trúnaðarmál.

Stjórn Samvinnufélags Útgerðarmanna Neskaupstað.